തുമ്പിയാലെന്നുടെ തുമ്പങ്ങൾ മാറ്റും
തുമ്പിയാലെന്നുടെ
തുമ്പങ്ങൾ മാറ്റും
ഉമ്പർകോൻ തന്നുടെ
തമ്പുരാനേ
ഇമ്പമോടെ വന്നു
സംപ്രിതനായെന്റെ
ഇംഗിതങ്ങൾ നീ നൽകണേ
നിൻ അൻപതു
നീ തരണേ
(തുമ്പിയാലെന്നുടെ)
വിഘ്ന വിനാശകനെ
വിശ്വ വിഭാകരനെ
വിശ്വൈക വന്ദിതനെ
വ്യാസനുവേദം
രചിക്കുവാൻ തന്നുടെ
വെൺ ദന്തം നൽകിയോനെ
വിശ്രുതമാം നിൻ വദനം കാട്ടിടണേ.
(തുമ്പിയാലെന്നുടെ)
ദൃഷ്ടി സ്വരൂപനെ
ശിഷ്ടേശ്വരാ
അഷ്ടപദാർത്ഥ പ്രിയാ
ഇഷ്ടമോടെ വന്നു
ക്ലിഷ്ടമീ ജീവിതം
തുഷ്ടമായ് തീർത്തിടേണെ
വിഷ്ടുപമാക്കിടേണെ
(തുമ്പിയാലെന്നുടെ തുമ്പങ്ങൾ തീർക്കും )
No comments:
Post a Comment