തൊഴുവൻകോട്ടമ്മ.

തൊഴുതു നിന്നീടുമ്പോൾ

തൊഴുവൻകോട്ടമ്മ.

തൊട്ടു വിളിച്ചതു പോലെ

തൊടുകുറി ചാർത്തുമ്പോൾ നെറ്റിമേൽ അരുമയായ്

ചുംബിച്ചുണർത്തിയപോലെ  ആർദ്രമായ്  ചുംബിച്ചുണർത്തിയപോലെ 

(തൊഴുതു നിന്നീടുമ്പോൾ)

തുടരുമെൻ സംസാര ചക്രത്തിലമർന്നവൾ

ശ്രീചക്രരാജേശ്വരിയായ്

ആഗമ നിഗമ മന്ത്ര ദല ങ്ങളാൽ അർച്ചന ചെയ്തു ഞാൻ നിന്നു നിൻമുന്നിൽ

സഹസ്ര നാമം ചൊല്ലി നിന്നു  

ലളിതാ സഹസ്രനാമം ചൊല്ലി നിന്നു 

(തൊഴുതു )

വിടരുമെൻ മാനസ 

പദ്മത്തിലമർന്നവൾ

ശ്വേതപദ്മാസനയായി

സമയാചാര തൽപരയായവൾ

സാമഗാനപ്രിയയായി  അടിയനു  സാരസ്വതാമൃതമായി 

(തൊഴുതു നിന്നീടുമ്പോൾ)