പൊന്നോടക്കുഴൽ
ഏതോ പുരാതന ജൻമത്തിലെവിടെയോ
കോലക്കുഴൽ നാദം കേട്ടൂ ഞാൻ
അന്നു തൊട്ടിന്നുവരേക്കും
കണ്ണാ ....
നിൻ പുല്ലാങ്കുഴൽ
ഗാനം തേടീ ഞാൻ
നിൻ പൊന്നോടക്കുഴൽ
തേടീ ഞാൻ.
(ഏതോ പുരാതന)
വൃന്ദാവനത്തിലെ മലർവള്ളികുടിലിലും
യമുനതൻ തീരത്തും
കേട്ടതില്ല
മധുരാപുരിയിലും ദ്വാരക തന്നിലും
വിരഹിണി രാധതൻ ചാരത്തും കണ്ണാ......
തേടിയലഞ്ഞൂ കേട്ടതില്ല
നിൻ പൊന്നോടക്കുഴൽ കണ്ടതില്ല
(ഏതോ പുരാതന)
പലജൻമ ശേഷം ഞാൻ
ഗുരുപവനപുരം തന്നിൽ
നിന്നപദാനമിന്നു പാടുമ്പോൾ
നിൻ തിരുസന്നിധിയിൽ നിൽക്കുമ്പോൾ
അറിയുന്നു കണ്ണാ....
നവരന്ധ്രങ്ങളിൽ
സരിഗമ ചേർന്നതാം കുഴലെന്ന് നിൻ
പൊന്നോടക്കുഴൽ
ഞാനെന്ന്
(ഏതോ പുരാതന)
No comments:
Post a Comment