എത്ര പ്രളയങ്ങൾ

എത്ര ഭൂചലനങ്ങൾ

എത്ര ഹിമപാതങ്ങൾ

എത്ര ചണ്ഡമാരുതൻ

എത്ര അഗ്നിവർഷങ്ങൾ

എത്ര പേമാരികൾ

എത്ര മഹായുദ്ധങ്ങൾ

എത്രയെത്ര ദുരന്തങ്ങൾ

അത്രയും അതിജീവിച്ചവർ 

മണ്ണിലീ മാനവകുലജാതർ

എങ്കിലും പാഠങ്ങൾ 

ഒന്നും പഠിക്കില്ലാ തെല്ലും

ഒട്ടും  വക വെയ്ക്കയില്ല

  വരും മുന്നറിയിപ്പുകൾ 

വരുമൊരോ ദുരന്തവുമേറ്റു

 വാങ്ങിപ്പിടയുവാൻ ദീപം

 തേടും ഈയാംപാറ്റകൾ നാം 

സകല ചരാചരങ്ങളും

സഹവർത്തിത്വമോടു പുലരുന്നീ

 മണ്ണിൽ മദ മാത്സര്യങ്ങളില്ലാ തെല്ലും

പുല്ലു പുഴുക്കളും 

തരു ലതാ വൃന്ദവും

സിംഹ വ്യാഘ്രാദി

ക്രൂരമൃഗങ്ങളും

അജഗജ ശശങ്ങളും 

ഹരിണങ്ങൾ കരടി 

കാട്ടി കരിചാതിവർഗ്ഗവും

പരസ്പരം പരിപാലിച്ചു

പോരുന്നു കൊല്ലില്ല 

തമ്മിൽ തമ്മിലവർ 

പൈയ്യടക്കുവാനല്ലാതെ.